NAGDALAWANG ISIP SI Norberto na sabihin sa anak ang lihim ng mga Echeverria. Matagal n’ya na sanang natapos ang ugnayan kay Señor, Ninong at orihinal na Supremo. Matagal na sana. Dahil ang gusto n’ya ay tahimik na buhay para sa anak. Buhay na malayang gumalaw.
Ngunit hindi n’ya iyon nagawa ng malamang kasapi na sa organisasyon si Noah. Kailangan niyang manatili sa organisasyon upang masubaybayan at maligtas ang anak sa kapahamakan. Sa bawat kaguluhan na kinasangkutan ni Noah ay naroroon siya. Nagbabantay at handang ipaglaban ang anak.
Ang SSS at Waray ay galamay lamang ng organisasyon na hinahawakan ng ama ni Norberto noon. Galamay ng Red Phoenix ang Sigue Sigue Sputnik pati na rin ang Waray-waray gang.
Ikinabahala ni Norberto ng malamang karelasyon ni Supremo si Molly habang nakikipa
