MAPUSOK NA SINIIL ni Noah ng halik ang mga labi ng dalaga. Kapagkuwan ay pinadausdos ang kanang kamay sa likod nito para suportahan. Kusa naman tumaas ang isang paa ni Josie kagaya sa mga nababasa niya sa kaniyang mga koleksyong nobela. Totoo pala na parang nasa ulap ang pakiramdam. Kusang tumugon si Josie sa mga halik ni Noah. Dulot ng siklabo ng damdamin ay naisandal ni Noah si Josie sa dingding.Maalab at mapanghanap niyang sinakop ang bibig ng dalaga. Hanggang sa naipasok ni Noah ang kamay sa loob ng damit ni Josie.
“’Wag dito Noah. Baka makita tayo ni nanay.”
Katabi ng kuwarto ni Josie ang silid ni Ethan.Pinalipat ni Norberto si Josie sa kuwartong iyon para hindi mahirapan sa pagpapabalik-balik nito habang binabantayan ang apo. Kaharap naman ng silid ni Ethan ang kuwarto ni Noah. Nas
