NASA GANOONG SITWASYON sila ng pumasok si Emma sa otel kasama si Ethan. Nagsialisan na ang mag ahente ng ahensya. Itinago ni Manolito si Leandro upang hindi ito mapansin. Huhulihin rin si Leandro at ikukulong kapag nakita ito.
”Pumirmi kang nakatalikod. Magtutuos pa tayo Leandro bago ka ipasok sa selda. Binalaan kita noon.’Wag na ‘wag mo nang sasaktan si Paloma. Inulit mo pa rin. Hindi ka pa nakontento. Pinilit mo pa siyang ipakasal sa matandang iyon.”
Hindi man naguusap. Sinundan ni Paloma si Manolito papasok sa isang bakanteng silid upang ikubli si Leandro. Gustong-gusto niya ng sabihin ang saloobin sa kaibigan ngunit hindi niya magawa.Hindi na nararapat subalit tinulongan niya pa rin ikubli si Leandro sa mga ahenteng sunod-sunod na dumaan sa harap nila pati na rin ang mga biktima sa k
