UNANG PINUNTAHAN NILA ang bahay ni Cherry matapos ang kanilang kasal. Nakakaabang na kay Josie ang alaga nitong si Wade sa may pintuan.
“Bakit ngayon ka lang, Josie?” pagalit na tanong ni Cherry habang nakapamaywang ito.
“Kasi. . .”
“Kasi ano?”
“Kinasal na kami,” kinikilig na sagot ni Josie kay Cherry.
“Kinasal na kayo? Kailan? Bakit hindi mo man lang ako inimbitahan? Ang daya mo, Josie.”
“Biglaan, Cherry. Dapat magpapatala lang kami.”
“Magpapatala tapos kasal na? Paano?”
“May nakitang kakilala si Noah sa Marriage Bureau sa Manhattan. Iyong empleyado roon kapatid ng empleyado ni Noah sa SamTel. Tinulongan niya kaming maikasal agad.”
“Paano? Eh, ‘di tuloy na ang pagbabalik ninyo sa Pilipinas?”
“Hindi ako sigurado sa pag-uwi sa Manila, Cherry.”
“Bakit naman?”
“May trabaho rito si
