Kabanata 49
LABIS ang pagdarasal ni Amary sa loob ng chapel ng ospital. Doon siya tumuloy matapos na i-admit ang lola niya. Pinalabas na muna sila sa emergency room. At habang si Chaos ay may kausap sa smartphone, dito siya pumunta.
Walang katapusan ang kanyang pasasalamat, na sa huling sandali ay talagang may isang himala na dumating, pero ngayon, gusto niya ng isa pang kahilingan sa Diyos, ang makasama pa niya ang kanyang Inay, na siya ay makabawi sa mga panahon na magkalayo siya.
Somehow, gusto niyang makaranas ang matanda ng kaunting ginhawa sa oras na makuha na niya ang lahat ng bayad ni Chaos sa kanya. Hindi na kailangan na maghanapbuhay ni Gertrude. Siya na ang gagawa ng lahat.
Pumatak ang mga luha niya. Sana ay hindi masayang ang pagkakataon na ito para sa kanilang dalawa, ang
