Sky
Kanina ko pa siya pinagmamasdan buhat sa pagkakasandal ko sa couch. Lalapitan ko sana siya ngunit nag-aalangan ako baka sabihan na naman niya akong mabaho. Gagawin ako katatawanan ng dalawa kong kaibigan kapag nagkaganoon. Ang lakas pa naman mang-asar ng mga ito.
"Okey naman lahat ng vital signs mo. Wala naman siguro masamang nangyari sa inyo ng baby dahil nasalo ka naman ni Sky kaya 'di naman naging masama ang bagsak mo. May ire-recommend akong OB-Gyne sa iyo." Nilingon ako ni Justin. "Every month mo siya ipa-check up Sky para makita ninyo ang development ng baby ninyo. Para maresetahan na rin siya ng mga kailangan niyang inumin para maging healthy sila ng baby mo."
"Okey, I'll keep that in mind."
Hinarap muli niya si Jasmine. "Kumain ka ng crackers sa umaga kapag nakakaramdam ka
