Ang Hari ng Angas
AiTenshi
Part 15
Noong bumalik ang aking ulirat, natagpuan ko na lamang ang aking sarili na naka higa sa ospital habang inaayos ni papa ang aking higaan. "Gising kana pala anak. Ano ba ang nangyari sa iyo? Ang sabi sa akin ni Dante at Eugene ay natagpuan ka na lamang daw nila na naka handusay sa lupa at walang malay tao."
"N-nahilo lang ako papa, sobrang init kasi kanina doon sa kalsada."
"Mag pahinga ka na muna at itatawag ko lamang sa mama mo na maayos kana upang hindi na ito mag alala." ang sabi ni Papa at lumabas ito ng pinto eksato namang pag pasok nina Dante at Eugene.
"Tol, kumusta ang pakiramdam mo? pinag alala mo ako doon. May masakit ba sayo?" tanong ni Eugene habang hawak nito ang kamay ko.
"Wala naman, pasensiya na kayo ni Dante, masama l
