SABAY-SABAY kaming nag-dinner matagal matapos dahil naka-full course meal kami. Iyong mga bata nababagot na mabuti na lang at may mga iPad kaya habang nag-aantay ng susunod na course ay nanunuod muna sila.
Nag-uusap sila Marco at Loela tungkol sa negosyo. Ako ay nanahimik sa tabi, nakikinig sa kanila habang inaaliw si Austin. Ang Mommy ni Marco ay abala naman kay Felix. Si Mommy at Daddy ang tumitingin sa tatlo. Hindi na kami nagsama ng yaya dahil marami naman kaming titingin.
Marahan kong ini-sway ang ulo, sumasabay sa malamyos na tugtog galing sa piano. Pulos kanta ni Britney Spears. May iba na sumasabay na din sa pagkanta habang nag-aantay din sila.
Humalakhak si Austin sa peek-a-boo ko at pati ako ay napahagikgik na din.
"Anyone who wants to sing for us tonight?" dinig kong sabi ng
