KABANATA 29:
HINDI pa rin naman maganda ang mood ko matapos ng gabing iyon. Nagising akong wala na siya sa aking tabi pero nagulat ako na may nakadikit ng TV sa dingding. Napabalikwas ako ng bangon. Nakakatawang isipin na TV lang 'yon pero grabe ang excitement ko.
"Marco?" tawag ko habang naka-upo sa kama. Sinilip ko pa ang foyer at baka naroon siya pero wala. Ngayon na lang ako na-excite dahil sa isang bagay. Nagmamadali akong bumangon para kunin ang remote.
Totoo ba talaga 'to? Pinalagyan ni Marco? Bakit hindi ako nagising no'ng kinakabit nila 'yon?
Hindi pa ko nakasuklay ng buhok at nakamumog pero nagkukumahog na ko sa paghawak sa remote. Natigilan ako ng ilang segundo. Anong nakain ni Marco at biglang nagkaroon ng ganito? Noon naman hindi siya naglalagay.
Binuksan ko ang TV at ga
