"Wow ang daming food!" bulalas ni Monica.
Kakatapos lang nilang magluto ng kanyang Mommy ng request na ulam ng kanyang Daddy. Kaya ngayon ay dinala na nila ito sa open cottage na inookupa nila pati na ang mga pagkain na niluto ng mga tauhan ng kanyang Ninong at muling inilatag na naman na parang boodle fight ang style. At iyong may sabaw syempre may mga bowl sila. Ang nakakatuwa pa sa bowl nila sa resort ay bao ng niyog tapos iyon ang ginawa nilang bowl. Na may desinyo at nilagyan ng tila upuan ng bao para pantay lang iton kapag ipinatong. Ang gandang tingnan, ngayon lang siya nakakita ng gano'n.
Kung kahapon ang sumalubong sa kanilang pagkain ay puro seafoods ngayon naman ay sari-sari. May gulay, may karneng baboy, espesyal iyong lechon, may native na manok din na tinola at may iilan
