"Ayos ang inaanak mo ha mukhang nagbabagong buhay na ah. Huh, sabagay may boyfriend na yata kasi nagpapaganda na. Pero infairness napakaganda niya ha, sabagay maganda naman ang mommy niya kaya hindi nakakapagtaka na napakaganda din ni Amaya kaya nga lang maldita at masama ang ugali!" Wika ni Faye, pinuri nga sana may may pahabol naman.
Pero sa totoo lang kaya nananahimik si Amir dahil kahit siya ay gulat na gulat kay Amaya. Ilang araw nang hindi niya ito nakita dahil siguro sa palagi din itong wala sa bahay. Hindi na ito katulad ng dati na napipirmi lamang sa bahay at nakikita niya na minsan lumalabas sa terrace, lumalabas sa harapan ng bahay nila at minsan naman ay nakabukas ang kurtina ng kwarto nito. Pero ngayon halos hindi na niya ito nakita sa buong ilang araw tapos ngayon makikita
