Pagdating nila sa bahay agad na bumaba sa kotse si Amir. Binuksan nito ang pintuan sa may passenger seat at inalalayang bumaba si Amaya.
Natatawa naman siya dito dahil hindi naman ito dati gano'n. Hinahayaan lamang nito na siya mismo magbukas ng kanyang pintuan tapos may pa alalay pa ngayon. Nagiging extra sweet ito ngayon na naging opisyal na silang magkasintahan kahit na sa isang linggo lang. Pero nag-aalala siya na baka may makakita sa kanilang kapitbahay.
Ang bahay kasi nila ay may bakanteng lote pa na pagitan bago bahay nila, sa bandang kaliwa naman ay may malaking bahay na konti lamang ang pagitan sa bahay ng kanyang ninong.
May mga kaya sa buhay ang mga nakatira sa lugar nilang iyon dahil malalaki at magaganda ang bahay katulad ng sa kanyang Ninong Amir at sa bahay nila. Ang b
