PUMUNTA sina Aryanda at Tyron sa isang karinderya at doon na tuluyang hinubad ng dalaga ang sapatos niya. Palagi siyang may dalang shoes glue sa kaniyang sling bag. Nang makaupo sila ay idinikit niya iyon matapos ipatong sa kaniyang mga hita.
"Ekang, nagkita na ba kayo ni Kuya Zac?" tanong nito sa kaniya.
Hindi kaagad siya nakasagot at sandaling natigilan. Umiling siya at nag-angat ng tingin dito. "Masarap ba ang lomi rito?" pag-iiba niya ng tanong kay Tyron na lininga ang mga kumakain ng agahan.
"Sandali, mag-o-order ako," sabi nu Tyron at tumayo patungo sa tindera. Bumuga siya nang malalim, hindi niya gustong pinag-uusapan si Zachary. Dahil nasasaktan lamang siya, siguro ay masaya na ito kung nasaan man ito ngayon... kasama ni Caroline.
Nang matapos niyang dikitan ang suwelas ng sapa
