TULALA si Aryanda habang nakatingin sa kaniyang Lola Loleng na nakaratay at wala nang buhay. Umuwi pa siya para kunin ang pitaka nito dahil may importante raw iyong laman na kailangan nitong ibigay sa kaniya. Ngunit hindi na siya unabot, tumawag si Guiller sa kaniya para sabihin na wala na ang kaniyang Lola Loleng. Kasabay din niyon ang pagsugod naman sa mama nito sa hospital na lumalala na ang sakit.
Hindi niya alam ang kaniyang gagawin. Nanginginig ang mga binti niya at wala sa kaniyang sarili. Patuloy rin sa pagtulo ang kaniyang luha habang nakatingin lamang dito. Lumabas naman si Tyron upang asikasuhin ang hospital bills nila at ang paglilipat ng kaniyang Lola sa funeral service. Si Tyron ngayon ang kasama niya bukod kay Arci na nasa bahay ngayon ng kaniyang Lola Loleng upang maglinis
