"Ang ganda ng libreng pa-condo sa iyo." Umikot si Jesica sa loob ng condo at pinagmasdan niya ito. "Grabe! Lakas makamayaman."
"Hindi nga rin ako makapaniwala na darating ang suwerte sa akin na ganito."
"Puwede mong pauwiin ang magulang mo rito dahil dalawa naman ang kuwarto."
Tumango ako. "Yes, tinawagan ko na sila at sinabi kong bumisita sila rito. Ang sabi ni tatay kapag tag-ulan na lang daw sila pupunta dahil mas malakas ang tindahan kapag summer kasi maraming naliligo sa dagat."
"Sabagay, saan kaya ako makakatagpo ng kumpanya na libre condo rin. Kahit yata abutin ako ng one hundred years sa kumpanya walang ganitong benefits."
Tumawa ako. "Baliw! Hindi ka na aabot ng gano'n edad."
Tumayo si Jesica at pumunta sa kusina. Nagbukas siya ng refrigerator. "Wow! Punong-puno ng laman an
