LULA SANTIAGO
“B-BOSS! SANDALI LANG! MALI PO KAYO NG INIISIP!” Hinabol ko talaga si Boss Ferruccio. Bago s’ya makapasok ng elevator, kinapitan ko ang kan’yang pulsuhan gamit ang kaliwa’t kanan kong mga kamay. “B-Boss! ‘Wag nga kayong basta-bastang sumugod na hindi n’yo naman alam ang buong pangyayari?!” Sa sobrang kaba ko, napapasigaw na rin ako. Dahan-dahan n’ya akong hinarap at binitawan ko agad ang pagkakakapit sa kan’ya.
“Boss, puwede bang makinig muna kayo?” pakiusap ko. “Huminahon kayo, please lang…” Nanlilisik na naman ang mga mata n’ya. “Boss, walang kinalaman dito si Ate Devillianna… kahit mamatay pa ako. Totoong nag usap po kami kahapon pero wala po s’yang sinabing masama tungkol sa inyo! Kinuwento n’ya lang ang bahagi n’ya pero hindi na dinitalye pa kung paano po kayo nagali
