BILLIE
NAPABALIKWAS ako nang bangon nang magkamalay ako. Puting dingding at kisame ang bumungad sa akin. Dali-dali kong iginala ang aking mga mata sa aking paligid. Kumirot ang aking ulo nang pinilit ko ang aking sarili na alalahanin ang mga nangyari.
Damian! Nanlaki ang aking mga mata nang muling manumbalik sa aking kaisipan ang lahat ng mga nangyari.
Binalak kong bumangon mula sa aking kinahihigaan. Ngunit bago ako matagumpay na makaalis mula roon ay siyang bukas ng pinto. Mabilis akong bumaling doon sa pag-aasam na si Damian ang iluluwa ng pintong iyon. Ngunit ang aking pananabik ay agad na napalitan nang lungkot nang si Magnus, kasama si Tita Esme, ang pumasok mula sa pinto.
"Thank God, you're awake!" Tita Esme exclaimed. "Pinag-alala mo kami, hija. Kakagaling lamang din ng tatay m
