JENNIE
“Sir, dumating po si Sir Leo.” Narinig kong sabi nang lumapit sa amin na isa sa mga kasambahay ni Lyndon, habang kumakain kami dito sa dining table.
“Sige, sabihin mong hintayin niya ako sa library,” utos ni Lyndon sa kausap.
Mukhang importante ang pag-uusapan nilang magkapatid, dahil pwede naman silang mag-usap sa sala o kaya sa ibang bahagi ng bahay, pero bakit sa library pa?
Bumangon ang interest ko, kaya gusto kong marinig kung ano ang pag-uusapan nilang dalawa.
Baka may makuha akong importanteng impormasyon tungkol kay Lyndon, lalo na sa pagiging secret agent niya.
Wala kasi akong nakikitang kakaiba sa kilos niya kapag magkasama kaming dalawa. Tanging manager ni Lyndon at mga kapamilya niya ang nakikita kong kausap niya araw-araw.
Wala akong nakitang kahit anong bakas n
