JENNIE
Nauna nang bumaba ang mag-ama ko dahil naligo at nagbihis muna ako ng damit pambahay, para kahit paano ay marelax ako at gumanda ang pakiramdam ko.
Gusto ko sanang matulog, pero kailangan ko rin silang samahan, lalo na at ito ang unang gabi ni Jay dito sa bahay, gano'n rin ang mga magulang ko.
Naabutan ko silang lahat na nakaupo sa sala. Mukhang komportable na ang mga magulang ko dito sa bahay at relax na silang dalawa na nanonood ng pang-gabing palabas sa malapad at malaking telebisyon.
“Mommy!” Malakas ang tinig na tawag sa akin ni Jay ng makita akong palapit sa kanila.
Napatingin naman sa akin si Lyndon. Agad siyang napangiti ng makita ako at inaya ang mga magulang ko na pumunta na sa dining room, dahil handa na raw ang hapunan.
Medyo matamlay ako, dahil hindi talaga magand
