Pagkagising ni Edwardo ay agad na inusisa ang collection niya sa likod ng movable frame. Nakita niyang nawawala ang isang baril kaya hinanap kung saan 'yon nilagay ng asawa.
Sinilip niya ito sa banyo at abalang naliligo dahilan upang magkaroon siya ng sapat na pagkakataong hanapin 'yon. Maingat na binuksan ang mga drawer ngunit wala 'yon hanggang sa usisahin ang nagkalat nitong purse.
Napapabulalas siya sa prustrasyon nang hindi makita ang hinahanap hanggang sa mamataan ang itim nitong purse na bihira nitong gamitin.
Naulinigan niya ang pagpatay ng asawa sa shower kay batid na malapit na itong lumabas. Kaya nagmamadali siyang inusisa ang bag at nakita nga niya roon ang nawawalang baril.
'Anong plano mong gawin?' maang na turan ni Edwardo sa sarili habang hawak-hawak ang baril.
Nang
