TAHIMIK KO SIYANG pinagmasdan habang may kausap sa telepono. Nasa loob siya ng master’s bedroom habang ako ay nasa balkohane. Ibinalik ko ang aking tingin sa labas. Tama nga ang sabi niya. Napakaganda ng view rito sa likod. Palibhasa ay walang kapitbahay at tunay na pribado. May narinig pa akong tunog nang lagaslas ng tubig at nang tingnan ko iyon ay isang maliit na ilog.
Pagkakataon ko nang sabihin sa kaniya ang tungkol sa akin. Bahala na kung tanggapin niya ako o hindi. Ang mahalaga ay makawala na ako sa kasinungalingan na hinabi ko. Nakakapagod din palang magpanggap. Sobrang daming kailangang tandaan.
“May swimming pool din sa gilid pero hindi mo tanaw mula rito. Gusto mo bang makita?” tanong niya sa akin.
“May gus—” Naputol ang sasabihin ko nang sagutin niya uli ang telepono niya
