"ANAK, hindi naman sa pinapaalis na kita riyan pero kung maaari, bumalik ka muna rito pansamantala. Isama mo muna si Irvan. Natatakot ako para sa iyo lalo pa't nalaman ko na ang ama pala ni Travis ang nagtangka sa buhay ni Melissa. Paano kung madamay kayong mag-ina? Ayokong mawala kayong dalawa, Isabella. Ayoko nang mawalan ulit ng mahal sa buhay."
Marahas na nagpakawala ng hangin sa bibig si Isabella kapagkuwa'y umupo sa tabi ni Irvan. "Hindi po kami madadamay, mama. Marami pong nagbabantay sa amin at sigurado po akong walang mangyayari sa amin ni Irvan dito. Ligtas po kami rito, at pangako po iyan..." nangingiting tugon ni Isabella sa kaniyang mama.
Narinig ni Isabella ang pagbuntong-hininga nito bago nagsalita. "Hindi naman kita mapipilit, Isabella. Pero kung kailangang umuwi, umuwi k
