KINABUKASAN, nagising na lang si Isabella nang biglang may tumama sa kaniyang mukha. At nang imulat niya ang mga mata, agad siyang napa-ungot nang masilaw siya ng sinag ng araw. Inupod niya ang kaniyang ulo sa espasyo sa kama na hindi nasisinagan ng araw.
"Magandang umaga, Ma'am Isabella," saad ng isang tinig sa hindi kalayuan.
Binalingan iyon ni Isabella at saka lamang niya napagtanto na may nakatayong isang matandang babae sa tabi ng bintana. Nangungunot ang noong umupo si Isabella sa kinahihigaan.
"Sino po kayo? A-Ano pong ginagawa niyo rito?" tanong niya.
"Ako si Vanessa, Ma'am Isabella. Puwede niyo po akong tawaging Manang Vanessa. At opo, kasambahay po ako rito," nakangiting sagot nito sa kaniya.
"G-Ganoon po ba? Pasensya na po kung natanong ko kayo. Hindi ko naman po kasi inak
