"SABIHIN mo sa akin, Travis, nagbibiro ka lang, 'di ba? Nakikiusap ako sa iyo. Sabihin mo sa akin ang totoo..." humahagulhol na bulalas ni Isabella habang nangungusap ang mga matang nakatingin kay Travis.
"Hindi ako nagbibiro, Isabella. Tumawag kay Sean iyong tiyahin mo para sabihin na wala na ang kapatid mo. I'm so sorry kung ngayon ko lang sinabi sa iyo. Alam kong nagkamali ako kaya patawarin mo a—"
"Patawarin? Paano kita magagawang patawarin kung ngayon mo lang sinabi sa akin ang balitang iyan?" Bumaba si Isabella sa kama. "Paano, Travis?" aniya pa at hinila ang kumot sa kama at ginamit iyon upang matakpan ang kaniyang kahubaran.
Umalis si Travis sa kama at naglakad palapit sa kaniya. Umatras naman si Isabella kaya tumigil ang lalaki.
"Patawarin mo ako, Isabella. I know, I know nagk
