MAKALIPAS ang halos kalahating oras, bumalik na rin si Albert dala ang ipinangako nito. Nang iabot nito ang isang supot ng pera, agad iyong kinuha ni Isabella.
"Maraming salamat, Albert. H-Hindi ko inaasahan na ikaw pa ang tutulong sa akin sa kabila ng lahat," aniya.
"Mahal kita at handa akong ibigay ang lahat sa iyo, Isabella. Kung sa tingin mo'y hindi ako seryoso, nagkakamali ka. Kaya kong ialay maski ang buhay ko para lang sa iyo."
Bumuntong-hininga si Isabella bago bumaling sa mama niyang nakaupo pa rin sa kinauupuan nito kanina pa. Magpahanggang ngayon ay wala pa ring lumalabas sa loob ng OR at mas nangamba pa silang dalawa pero nagpapatuloy lang sila sa pagtitiwala na magiging maayos din ang papa niya.
Nagpaalam muna si Isabella kay Albert bago nilapitan ang mama niya. Niyakap ni
