Danica
HINDI RIN nagpahuli sa birthday party ang pangalawang anak nila Darell at Sheila na si baby Sienna. Dumating din sila at dito na nag-celebrate ng first birthday sa bahay.
May mga nagdatingan na mga pagkain, kabilang ang isang malaking lechon at dalawang cake na sila ang nag-order. Naririto rin ang mga asawa at mga anak ng mga kapatid ni Dave, pati na rin si Tita Wilma.
Ang tanging wala lang dito ngayon ay sila Kuya Dylan at ang pamilya niya na ngayon ay nasa UK daw. Nagtungo sila sa family ni Ate Sam dahil nag-birthday din daw ang ama nito. Sila Daemon naman at ang pamilya niya ay nananatili pa rin hanggang ngayon sa Bulacan. Abala pa rin daw ito ngayon doon at hindi pa rin daw nila nakakausap ayon kay Darell.
Sa buong maghapon ay hindi nilubayan nang magkakapatid at ni Tito Da
