Danica
ISANG BUWAN lang kaming nanatili ni Dave sa Isla dahil nagsimula na naman ang unang buwan ng pasukan sa eskuwela. Sa Isla na rin ako nag-celebrate ng birthday ko.
Si Lance ay inilipat na namin sa ibang paaralan kung saan makakapag-face-to-face classes na siya. Dalawa sa mga tao namin ang ini-assign namin na bodyguard niya. Samantala, nagpatuloy pa rin ako sa virtual classes ko dahil kay Dasia at sa pagbubuntis ko. Tumuntong na ako ngayon sa 3rd year. Dalawang taon pa para maka-graduate na rin ako sa college.
Si Lance naman ngayon ay Grade 5 na. Sa awa ng Diyos. Kahit maraming pagsubok ay nakakaraos pa rin at lumalaban pa rin kami.
Pagbalik din namin ng Manila ay saka naman kami nagpabinyag sa baby Dasia namin. At naging ninong niya ang lahat ng mga kapatid ni Dave. Kabilang na
