BLAIR VIPER TORO
AKALA ko, namamalikmata lang ako dahil sa pagod, gutom at antok pero s’ya nga talaga ‘yon.
Dali-dali s’yang lumabas sa sasakyan.
Kamuntik na nga s’yang madapa sa kanal. Tumayo ako sa pagkakaupo at para n’ya akong tatangayin nang siniil n’ya ako ng mahigpit na yakap. “Blaaaair! I missed you! Akala ko kung sinong kamukha mo pero ikaw nga talaga! Med’yo madilim kasi at hindi kita gaanong na-recognize!”
Kumalas s’ya sa pagyayakap sa ‘kin at minasdan ang buong katawan ko. “Ang ganda mo pa rin...” Ngumiti ako ng hilaw.
“Kumusta ka na, Kisha?”
“Sumama ka muna sa ‘kin, doon na lang tayo mag usap sa bahay ng boyfriend ko dali! Jusko po! Na miss kita sobra!” Bago pa ako makapagsalita, kinapitan n’ya na ang kamay ko at hinila ako. Pinapasok ako sa likuran ng front seat at u
