Ingay sa kusina ang gumising sa akin kinabukasan. Buti na lang at walang pasok, dahil kung may pasok, tiyak na late na ako. Dali-daling bumangon ako, binalunbon lang mahabang buhok at itinali. Patuloy pa rin ang ingay sa kusina kaya naman lumabas na ako. Kusina agad at tinungo ko, doon ay inabutan ko si Timothy na akmang nagtatakip ng kaldero. Mukhang kanina pa ito gising, dahil nakita kong may tasa nang pinagkapehan sa table. Tapos kita ko ring kumukulo na ang nakasalang na sinaing nito.
"Iniinit ko itong sinigang na nakita ko sa ref mo." Naaamoy ko ngang sinigang iyon.
"Good morning, Tim. Kumusta ang pakiramdam mo?" tanong ko rito. Tutal nagluluto naman na ito, kumuha na lang ako ng tasa. Sinimulan iyong lagyan ng kape, asukal at gatas.
"Medyo masakit ang ulo." Sinulyapan ko ito na
