NAGTAKA si Lexi nang dalawang araw na niyang hindi nakikita si Davin. Hindi naman niya alam kung nasaan ito. Wala ito sa sarili nitong bahay. Wala rin ito sa Maynila. Actually, tumawag ito kahapon at sinabi nitong may importante itong inaasikaso. Ayaw naman nitong sabihin kung ano ang importanteng ginagawa. Napailing na lang siya habang nakatingin sa cellphone niya. Hinihintay niya ang tawag ni Davin pero hindi niya alam kung mahihintay niya o hindi.
Napatingin siya sa pinto ng kwarto niya nang may kumatok. “Pasok. Bukas ‘yan.”
Bumukas ang pinto ng kwarto niya at ang Ate Relle niya ang pumasok. Yes, pinabalik siya ng kapatid niya sa bahay ng mga ito. Para daw mabantayan siya. Baka daw kasi kung anong gawin nila ni Davin kapag silang dalawa lang sa loob ng bahay. Ang Ate niya talaga. Cons
