Xander POV.
Lahat kami ay magkakasunod na lumabas ng dressing room ni Julia. Wala paring umiimik ni isa sa amin ng makarating kami sa vip area at kanya-kanyang upo sa leather na sofa habang mataman na pinagmamasdan ng mga naiwan naming kaibigan.
Tahimik lang din kasi ang tropa na alam ko na nakikiramdam sa amin.
"Paano mo nakilala at natagpuan ang asawa ko Ace?" tiim bagang na tanong ni Lander dito.
Nakailang lagok ng whisky na hawak si Ace saka frustrated na sumandal sa upuan saka isang malalim na buntong-hininga ang pinakawalan.
"Kung naalala n'yo ng gabing nagwawala kayo sa bar na tagpuan natin ay may nabanggit akong nabanga ko ng mga oras na iyon kaya hindi ko kayo napuntahan. Si Julia ang babaeng 'yon Lander. Dinala ko siya sa hospital at ipinagamot pero dahil malubha ang kalaga
