Naging mas puspusan ang paghahanda nina Gail at Liam ng kasal nila, idagdag pang laging tila may fiesta sa mansyon ng mga Herbosa dahil sa kanilang pamilya.
Mabuti na lamang at maaasahan sa lahat ng pagkakataon si Greta, bukod kasi sa pagiging secretary/confidant ng lolo ni Liam ay marami rin itong alam sa anumang bagay lalo na kapag may kinalaman sa mga party.
Maging ito na seryoso sa trabaho at naguguyo sa pagiging kalog ni Aling Minda, maging ang kanyang ina ay panay na rin ang paganda dahil baka dalawin daw ito ni Don Vicente. Hindi na rin siya tumutol sa pakikipaglandian ng ina dahil nakikita naman niyang masaya ito, iniisip na lamang na hindi naman siguro ito lolokohin pa ni Don Vicente.
"O, bakit tila ang lalim ng iniisip ng honey ko?" puna ni Liam sa kanya pagpasok pa lamang sa
