Gaya ng inaasahan nina Gail at Liam ay naging tampulan sila ng tuksuan matapos nilang bumaba, halos makakain na kasi ang mga ito.
"Siguro naman ay may mabubuo na niyan," hirit ni Don Julio sa kanila.
Isang nahihiyang ngiti ang ibinigay ni Liam sa kanyang lolo.
"Naku, kaya nga po kami nagdo-double time nitong si Liam, 'Lo," natatawang turan ni Gail. "Joke," pahabol sa huli saka tumawa.
"Okay lang iyon, hija, naiintindihan naming lahat. Ang importante ay mag-asawa na kayo at legal na gawin niyo ang bagay na ganoon," hirit naman ni Aling Minda. "Mabuti pa'y kumain na kayo para may ilalakas pa kayo sa second round," malakas na hirit nito na kinatawa ng lahat.
"Ayon, o, alam na alam mo, inay," mapang-alaskang turan ni Drew na suot ang hapit na hapit na damit ni Liam sa katawan nito. "Kain
