Ibayong pag-iingat ang ginawa ng lahat para sa siguridad ng nakakarami. Gaya ng sabi ni Don Julio ay nagdagdag nga ito ng kanyang security personnel, marami rin ang nagala sa buong resort upang siguraduhing walang makakapasok na hindi imbitado o kalaban sa resort.
Halos hindi nakatulog si Gail sa nagdaang gabi dahil sa kaka-imagine kung ano ang buhay pagkatapos ng kasal nila ni Liam. Kahapon pa nga lang habang inaayos ang buong resort ay tila nasa isang fairytale story na siya at siya ang prinsesa o bida.
"Are you ready, girl," tili ni Lindsey habang nag-aalmusal sila. Nasa ibang parte kasi ang mga lalaki na nag-aalmusal kasama ang mga matatanda dahil hindi raw sila pwedeng magkita ni Liam.
Gusto niyang tumutol sa ideyang iyon kagabi habang sinasabi ng ina pero mas mainam na iyon kaysa
