Chapter 10
Nang dumating sila sa McKinley ay marami ng tao na naghihintay para buksan ang pinto ng bar. Sa unang tingin ni Alex sa lugar ay maganda iyon. Well, hindi maganda, napaka ganda. Hindi maikakaila na mayaman din ang may-ari ng bar na iyon.
May kalakasan ang tugtugan sa labas pero maya-maya naman ay humina na rin. Bubuksan na sana niya ang pinto ng sasakyan para lumabas dahil parang na-excite rin siya pero pinigilan siya ni Santi.
“Don’t.” utos nito.
Napamaang siya. Her brows arched.
“Me first.” anito na inalis na ang sariling seat belt.
“Okay.” mahinang tugon niya at nagkibit-balikat pa.
Nakita niya sa tinted na windshield kung paano magbulungan ang mga babae paglabas ni Santi. May mga babaeng napakagat-labi pa nang ngitian ng binata. Ang iba ay tumitingin mula ulo hanggan
