Kinagabihan, mag-aalas nueve na nang marinig niyang dumating ang sasakyan ni Gavin. Sumilip siya sa bintana at nakita ang asawang bumaba sa kotse.
Bumuntong hininga siya. Alam niyang magtataka ang asawa kung bakit wala siya sa ibaba at kung bakit walang nakahandang pagkain para rito. Dahil sa inis niya kanina kay Sabrina, nawalan siya ng ganang ipagluto ang asawa.
Kanina pa kasi gumugulo sa isip niya ang asawa at si Sabrina. Kung bakit magkasama ang dalawa? At kung bakit hinayaan ni Gavin na si Sabrina ang sumagot sa cellphone nito.
Kung sa bagay, malaya nga palang gawin ni Gavin ang gusto nito, dahil hindi naman siya tunay na asawa nito. Pekeng asawa lang siya na ginagamit ni Gavin laban kay Sabrina. Habang patuloy pa rin ang pagkikita ng dalawa, samantalang may asawa na si Sabrina
