“Love, may nakita lang akong kakilala. Niyaya ko lang mag-snack malapit sa condo ni Yoseph.”
Love. Tama nga ang kuwento sa akin ni Yoseph noon. Love nga ang tawagan ng mga magulang niya. Tapos, my loves naman ang sa Ate Ysa at Kuya Zyrus niya. Pero hindi na matutuloy iyong gusto niyang itawag sa akin. Lablab…
Itinuro pa sa akin ni Mrs. Montenegro ang phone niya habang nasa tenga niya ito. Parang sinasabi niyang kakausapin lang muna niya ito sandali. Naputol kasi ang pag-uusap namin.
Hindi nagtagal ay nakangiting ibinaba ni Mrs. Montenegro ang cellphone niya sa ibabaw ng mesa namin.
“Pasensiya ka na. Daddy ni Yoseph. Ganyan ‘yan kapag hindi niya alam kung nasaan ako, at hindi ako makontak agad. Hindi mapakali. Text nang text, at tawag nang tawag.”
Napangiti ako. “Ang sweet nga po, e
