Tunog ng notiff sa messenger ang gumising sa akin. Pinilit kong idilat ang isang mata ko, at saka inabot sa katabing study table ng kama ko iyung phone ko. Sinilip ko kung sino ang tumatawag sa akin.
Peachy? Bakit kaya? May emergency kaya?
“Peachy, alam mo ba kung anong oras na dito?” medyo nagrereklamo kong bungad sa kanya.
[“Oo. Madaling araw na diyan,”] kalmadong sagot nito.
“Wow ha! Parang normal na oras lang ang madaling araw. Oras po ng pagtulog ‘yun, fyi lang. Ano ba kasi ‘yun?” sabi ko sabay hilamos sa mukha ko.
[“Girl, 'wag ka nang magalit. May TFC ka ba? Buksan mo!”]
“Ha? Gigisingin mo ako para magpabukas lang ng TFC Channel?”
Narinig kong may nagsalita sa background. Parang si Myles. Nasa duty siguro silang dalawa, kaya magkasama sila ngayon.
[“Oo na. Eto na. Sasabihin k
