Hindi ko napigilang mapangiti habang pinagmamasdan ko ang mukha ni Yanis. Super guwapo rin siguro ang lolo nitong si Yanis.
Nabanggit ni Yoseph na romance writer ang Mommy niya, kaya hinanap ko talaga ang mga gawa niya, at bumili ng isang libro niya. Ewan ko ba, sa dami ng mga librong naisulat niya, at pagpipilian ko doon sa bookstore, iyong libro na isinulat niya na personal na kuwento nila ni Mr. Montenegro ang nagustuhan kong bilhin.
Sa pamamagitan ng librong iyon, pahapyaw ko nang nalaman ang ibang kaganapan sa buhay nila Yoseph. Na namatay ang isang kapatid nito, iyong kakambal ng ate niya, dahil sa isang babae na obsessed sa Daddy niya. Doon ko rin napagtanto kung gaano kabait ang Mommy niya, nang mabasa ko doon na buong pusong pinatawad ng Mommy niya ang babaeng iyon, at buong pu
