HINDI na nakita ni Angelica ang pamilyar na lalaki paglabas nila ng gusali. Sinuyod pa niya ng tingin ang paliparan.
“Honey, what’s wrong?” tanong ni Wallace nang lapitan siya nito.
“May napansin kasi akong pamilyar na lalaki kanina rito,” aniya.
“Pamilyar na lalaki?”
Ibang lalaki na ang naroon sa guard house pero ito ang kausap ng lalaking nakita niya. “I saw him here when we’re in your office.”
“Wait.” Nilapitan ni Wallace ang lalaki sa guard house at kinausap.
Sinundan ito ni Angelica at nakiusyoso.
“Alin po sa kanila, sir? Si Julius o si Carlos?” anang guwardiya.
Lumingon sa kaniya si Wallace. “Ano ba ang hitsura ng lalaki, honey?” tanong nito.
“Uh, matangkad siya, naka-jacket na itim, may balbas, moreno,” aniya.
“Ah, si Carlos. Checker po siya sa warehouse, sir,” sabi ng la
