Kinabukasan ay maaga akong nagising para gumayak na at makapasok sa trabaho. Pagkatapos kong maligo ay agad akong bumaba at naabutan ko si Tita sa kusina na nagluluto ng agahan, nasa likod naman niya si Tito Ric na nakakulay puting sando at itim na jogging pants, nakayakap si Tito sa kanya kaya napangiti ako.
Hindi na bago sa akin ang ganitong eksena simula nang maging sila ulit. Ramdan at nakikita ko ang pagmamahal nila para sa isa’t isa. Aaminin ko na madalas kong nakikitang nakangiti si Tito Ric noon kapag nagkikita kami kasama si Havoc, pero iba ang mga ngiti niya ngayon.
May kung anong kasiyahan na hindi ko nakita noon sa mga mata niya. Kaya sobra talaga akong natutuwa kapag nakikita ko silang ganito ka-sweet at kasaya.
“Ang aga naman po ng ka-sweet-an na ‘yan,” nang-aasar na saad
