Kagaya ng request ni Aya ay nanuod kami ng sine. Mabuti na lang at may bagong princess movie ang Disney na showing ngayon kaya iyon ang pinanuod namin. Alas cinco na iyon ng hapon kung hindi ako nagkakamali.
Si Havoc ay bumili ng isang box ng malaking popcorn at tatlong inumin. Si Aya naman ang may hawak ng popcorn lalo na ay nakapagitna siya sa amin ni Havoc habang nasa loob ng sinehan.
Hindi naman lingid sa kaalaman nating lahat na may kadiliman sa loob ng sinehan, pero kahit na gano’n ay ramdam ko pa rin ang madalas na pagsulyap sa akin ni Havoc.
At kahit na sobrang mahirap magpigil ay hindi ko talaga siya nilingon, nakatutok lang ang mga mata ko sa malaking screen kahit na wala akong maintindihan sa pinapanuod dahil si Havoc naman ang laman ng isip ko.
“Tito, I’m cold and sleepy po
