NALIGO agad si Sylvienne pagkauwi nila pabalik sa Casa ni Ricci at bumawi agad ng kain dahil konti lang ang nakain niya sa restaurant.
But something felt off.
Hindi niya mapigilan ang magtaka, dahil pag-uwi nila ay hindi na siya pinansin pa ni Ricci, bagkus ay pumasok lang ito sa kuwarto nito at hindi na lumabas pa.
Ni hindi na siya pinagalitan.
Hindi rin siya pinarusahan.
Naisip na lang niya na natulog na lang siguro ito dahil sa pagod. Kaya naman nagpahinga na rin siya sa kuwarto niya at hindi mapigilan ang mapangiti dahil para siyang nakahinga na nang maluwag ngayo'y nakalabas na rin sa impyernong kulungan na 'yon.
Ang hirap pala talaga makulong. Pakiramdam niya ay madali siyang mamatay kung magtatagal sa gano'n kadumi na lugar na napakadugyot.
Still… she couldn’t stop wondering.
