Kabanata 44
Luna POV
Hindi ko alam kung anong pumasok sa isip ni Axel para hilahin na lang n’ya ko dito papasok sa loob ng unit n’ya. Hindi pa rin kasi nagpoproseso sa isip ko ang sinabi n’ya sa akin kanina na s’ya ang magiging amo ko simula ngayon. Nang makapasok kami sa loob ng unit n’ya at binawi ko ang kamay ko sa kanya saka siya tiningnan ng masama. Wala s’yang karapatan na basta na lang ako hilahin papasok dito. Hindi naman ako nasabihan na siya ang magiging amo ko kaya paanong nangyari s’ya na ngayon ang boss ko? Alam ko na magkaibigan sila ng pinsan ni Ma’am Eireen at kahit na si Ma’am Eireen ay kaibigan n’ya rin pero may karapatan naman siguro ako na malaman ang sitwasyon bago niya ako hilahin papasok sa unit n’ya. Sa totoo lang ito ang ayaw kong mangyari ang mapalapit sa kanya
