Kabanata 75
Luna POV
Nababaliw na ata ako sa pagtugon ko sa halik ni Axel at hindi ko alam kung bakit hinahayaan ko s’yang gawin sa akin ‘to ngayon. Nawala na naman ako sa sarili ko at nagpadala ako sa t***k ng puso ko kahit na alam kong mali ito. Itinulak ko palayo sa akin si Axel para maputol ang halikan naming dalawa at tumalikod ako sa kanya. Mali talaga ang nangayri na ‘to dahil lalo ko lang sinasaktan ang sarili ko.
“Luna,” tawag n’ya sa akin.
Umiling ako at hindi ko s’ya nilingon. Humakbang ako palayo sa kanya at kahit na hindi ko mabuksan ang pinto ay pilit ko rin ‘yon na binubuksan para makaalis ako rito. Gusto ko ng umuwi kasi hindi ako ligtas dito, hindi ligtas ang puso ko sa sakit dahil sa ginagawa ni Axel dahil umaasa lang ako sa kanya. Umaasa lang ako na may pag-asa k
