Kabanata 35
Luna POV
Sumakay na ako ng taxi papunta sa pinapasukan kong trabaho at wala na rin kasi akong oras kung pagpapasalin-salin pa ako ng sasakyan tapos maabutan na rin ako ng traffic at paniguradong mahuhuli lang ako sa trabaho na ‘yon ang iniiwasan kong mangyari lalo na ngayon. Nang makarating ako sa pinatatrabahuhan ko ay mabilis akong kumilos at nagbayad agad kay manong at nagmamadaling lumabas ng taxi at pumasok sa loob ng building dahil mahuhuli na ako. Hindi naman na ako hinarang ng guard dahil kilala na nila ako kaya ngumiti ako sa kanila at dumiretso na akong pumasok sa elevator.
Nang makapasok ako ay hinahabol ko ang hininga ko dahil sa pagmamadali ko. Anong oras na kasi at kailangan ko pang magluto para sa pagkain ng amo ko. Tiningnan ko ang cellphone ko para alamin
