Kabanata 42
Luna POV
Huminga ako ng malalim at inalis sa isipan ko ang mga wala naman kwentang bagay. Kailangan ko pang maagang gumising bukas para pumasok sa trabaho. Gumaan nga ang pakiramdam ko ng malaman ko na si Ma’am Eireen ang amo ko, wala kasi talaga akong ideya noong una kung sino ba ang amo ko dahil nga hindi naman kami nag-aabot at hindi ko naman pinapakielaman ang mga gamit sa loob ng unit pwera na lang kung kailangan ko talagang galawin lalo na kapag magulo o madumi. Hindi ko rin naman pinapasok ang kwarto ‘don dahil wala naman ipinag-utos sa akin na pwede kong pasukin ‘yon kaya hindi ko alam kung babae ba o lalaki ang amo ko.
Malaki ang pasasalamat ko kay Ma’am Eireen dahil sa mga itinulong n’ya sa akin, hindi pa naman niya ako lubos na kilala pero tinulungan pa rin n’ya
