Damzel
NAGHINTAY ako sa pagbabalik ni King. Pero nagulat ako nang si Eunah na ang nagdala sa akin ng gamot na mula sa kanya.
"Paano niya naibigay sa iyo?" tanong ko sa kanya.
"Nagpunta po kasi ako sa convenience store, Miss Damzel. Bigla na lamang siyang lumapit sa akin sa loob at ibinigay 'yang supot. Ang sabi niya ay ibigay ko daw po sa inyo... Pati po itong milk tea matcha flavor. Para daw po sa inyo."
Kaagad ko na ring tinanggap ang mga ito. "Thank you. Wala na ba siyang ibang sinabi?"
"Wala na po, eh."
Napatango na lamang ako.
"May ipag-uutos pa po ba kayo?"
"Tatawagin na lang kita kapag meron."
"Sige po. Sa labas lang po ako."
"Okay."
Kaagad na rin siyang tumalikod at lumabas ng silid ko.
Nakahayin na sa harapan ko ang lunch ko. Dinampot ko muna ang phone ko mula sa gilid
