Damzel
TULOY-TULOY SA PAG-AGOS ang mga luha ko sa pisngi habang nakatitig sa hari kong naghihintay sa akin sa altar. Nangingibabaw ang kagwapuhan niya sa suot niyang white tuxedo. Katulad ko ay emosyonal din siya at lumuluha habang nakatitig sa akin. Paulit-ulit siyang nagpupunas ng pisngi niya at gilid ng mga mata niya.
Hindi ko na nga halos mapagtuunan ng pansin ang mga taong pumupuno sa loob ng simbahang ito at lahat sila ay nakatunghay sa akin. Hindi lang ako ang excited sa araw na ito kundi ang buong pamilya din namin.
Sa wakas ay dumating din ang pinakahihintay naming araw na ito. Ang araw ng aming kasal. Ang buong simbahan na ito ay guwardyado at tanging mga angkan lang namin at kalapit na mga kaibigan ang imbitado. Naniguro lang kami na maidaraos namin ng maayos ang araw na ito
