Damzel
"That's enough. Let's go home. You're drunk." Inagaw na sa akin ni King ang iinumin ko pa sanang alak sa baso.
"Isa na lang, baby. I promise, isa na lang." Tinangka ko itong bawiin sa kanya, pero mabilis na niya itong ininom at inilayo na sa akin ang baso.
Napasimangot na lamang ako habang nakatitig sa kanya. Oo, kanina pa talaga ako hilo at namumungay na rin ang aking mga mata pero ewan ko ba kung bakit may gana pa rin akong uminom hanggang ngayon.
Alas onse na ng hatinggabi at iilan na lamang kaming naririto sa bakuran nila Tito Desmond at Tita Lina. Ang family ko ay nauna na ring umuwi. Niyaya na rin nila ako kanina pero ayaw ko pa talaga. Gusto ko pang mag-enjoy dito kasama ang mga pinsan ko at siyempre si King.
Feel ko rin ang magpaalaga sa kanya ngayon.
"Ang daya mo
